III. Haurren Kontseilua 2019/2020

III. Haurren Kontseiluak aurre egin behar izan dion erronka nagusia Covid-19aren pandemia izan da. Ikasturtearen erdialdea gaindituta, 2020ko martxoan, kontseilari txikiek konfinamendu egoerara egokitu behar izan dute, eta modu telematikoan lan egiten jarraitu, etxetik. Hala ere, gai izan dira:

• Santixauetarako haurrentzako lehenengo kartel lehiaketa antolatzeko.
• Santixauetako Haurren Egunerako egitarau erakargarria aurkezteko

Pandemiak 2020an eta 2021ean Santixauetako jaiak bertan behera uztea eragin du, baina Kontseiluaren proposamenak ez dira bertan behera gelditu: 2022ko Santixau jaietan Haurren Eguna ospatu da, Kontseiluak antolatutako jarduera berriekin, eta bertan nabarmendu dira "txupinazo" arrakastatsua koloretako hautsekin eta uretako jokoak.