Kultur jarduera berreskuratzen

Kulturako udal sailak bere ohiko jarduera eta programazioari heldu dio, udako etenaldiaren ondoren. Oporretatik bueltaren ondoren ermuar gehienoi gertatu izan zaigun, gehienok bueltatu izan gara gure ohiko zereginetara. Hori horrela, kulturak irailari dagokion hileko programazioa aurkeztu eta kaleratu du. Aurreikusitako guztiaren artean aipatzekoak dira, besteak beste, folk musikako hainbat talderen emanaldiak, zeintzuk aste bukaeran zehar gauzatuko diren ‘folkez blai’ deritzan lehiaketako finalei loturik. Asteburuarekin batera ere zine komertzialaren hasiera ere etorriko zaigu. Halaber, zine-klubak ere bere emanaldiei ekingo die, datozen egunetan. Ondorengo aste bukaeran ezezik datorrenean ere musika izango da protagonista nagusiena, ‘musikale’ izena jarri zaion ekimenari esker talde ezberdin ugari hartuko baitugu gure kaleetan.

Bestalde, aipamen berezia ere merezi du hileko azken ostiralean Agustin Jiménez aktore eta komiko ezagunak aurkeztuko duen antzerki emanaldia. ‘Komediaren klub’eko kide honek ‘7bekatuak.com’ muntaia ekarriko du. Lana ‘stand-up comedy’ genero amerikarrean oinarritzen da eta aktore bakarraz baliatzen aitzindaria da, aktore hori ikuskizunaren izar bakarra bihurtzen delarik.