Dokumentala ikusgai zine-klubean

Mudo-drogot Zinematografo taldeak zine-klubaren jarduera berreskuratuko du, dokumentalen generoari dedikaturiko ziklo berri batekin hasiera emanez urte berri honi. Gaur gauean ‘Nömadak tx’ tituluko filma proiektatuko da Zineman, gaueko hamarrak eta laurdenetatik aurrera. Lana Raúl de la Fuente zuzendariarena da eta Donostiako azken jaialdian aurkeztu zen. Sarrerak ikusle orokorrentzat 3 euro balio du.

Sinopsia

Txalaparta musika-tresna berezia da. Bi lagunen artean jotzen da, eta topaldi horretatik sortzen den musika ez da biotako inorena, elkarren arteko elkarrizketa eta topaketarena baizik. Nomadak Tx-ek kontatzen du bi musikariren desioa, zeintzuek instrumentua pertsonen eta kulturen topagune izan dadila nahi duten. Irrika horrek bultzatuta Indiara, Laponiara, Mongoliara eta Saharara abiatzen dira. Bidai horietan bertako herritarrekin elkarbizitzen dira. Talde horietako bakoitzarekin izandako topaketa berezi eta bakarra da. Ezusteko iturri eta aparteko esperientzia.