Eusko Trenek gaueko zerbitzuak jarriko ditu -Santiaxuetarako-

Eusko Tren konpainiak iragarri duenez gaueko zerbitzu bereziak jarriko ditu Ermuko ''Santixau'' jaietarako. Gaueko zerbitzu berezi horiek uztailaren 21ean eta 24an egongo dira, gure herriko jaietara etorri nahi duten guztientzat. Trenak Elgoibar eta Durangotik irtengo dira eta, geltoki horietara bueltatuko ere.

Uztailaren 21eko larunbaterako Jose Maria Sanz kantariaren, ‘Loquillo’ren kontzertua iragarrita dago, bere bandarekin batera. Kontzertu hori San Pelaio plazan egingo da, gaueko hamaika eta erdietatik aurrera. Ekitaldi hori jai egitarauaren barne dago eta dohainekoa izango da. Hori horrela, rock abeslari famatuaren jarraitzaile ugari etor daitezkeela aurreikusi da. Zerbitzu bereziak egongo diren bigarren eguna, datorren asteko asteartea izango da, uztailak 24an, patroiaren bezpera egunean. Jardunaldi horretan, herriko jai nagusiei hasiera emango zaie eta hiru egunez jota sua ibiltzeko. Hasierako jardunaldia ere berezia izaten da, eta eskualdeko gazte asko bertaratu daitezkeela aurreikusi dute.