Haurrentzako musikaldia ikusgai Zineman bihar

“Zenbat gara” taldeak haurrentzako musikaldia eta ikuskizuna ekarriko du bihar Ermua Zinemara. Taldeak “Amama Pantxikeren altxor ezkutua” izeneko obra antzeztuko du. Ikuskizuna arratsaldeko bost eta erdietan hasiko da. Ekimena Euskal Birusa taldeak antolatu du eta San Martin Kulturaleko programazioaren barne kokatzen da. Sarrerak 3 euro balio du.

Antzezlan musikalaren honen bidez haurren garapenerako baliagarri eta bidezkoagoak izan daitezkeen kontzeptu batzuk aldarrikatu eta bultzatu nahi da: gizakien arteko lagunkidetasuna eta gure nagusiekiko errespetua eta begirunea.