Nola aukeratu jostailu egokia gure umearentzat?

Gabonen atarian gaude eta laster Olentzerok edota Hiru Erregeek gure seme-alabei edo ingurukoei zer ekarriko dien pentsatzen hasi beharko dugu. Oparirik egokiena aukeratzea zaila izaten da eta asmatzea askoz ere zailagoa, asko baitira kontuan hartu beharrekoak, besteak beste, haur edo gaztetxoaren adina, zaletasunak, prezioa... Hori dela eta Euskara Sailak antolatua gaur Lobiano kulturgunean, arratsaldeko 17:00etan Nola aukeratu jostailu egokia gure umearentzat? hitzaldia izango da Txatxilipurdi elkartearen eskutik, bertan jolasak aukeratzeko kontuan hartu beharreko hainbat aholku emango dizkigute:

Hitzaldian jorratuko denaren eskema

• Jostailu hau egokia al da nire haurrarentzat?
• Ze balore transmitituko die jostailu honek?
• Jolasaren garrantzia haurraren garapenean.
• Jostailua, jolasaren laguntzailea. Jostailu motak.
• Jostailu on baten ezaugarriak. Kontuz publizitatearekin!
• Jolasa eta gurasoen parte-hartzea

Hitzaldira joaten diren gurasoen umeentzako, hitzaldiak irauten duen bitartean haurtzaindegi zerbitzua egongo da.