-Serranocolina Project- ikuskizuna Lobianon izango larunbat iluntzean

Antonio Serrano (Madril, 1974) eta Javier Colina (Iruña 1960) musikariek emanaldia eskainiko dute Lobianon, larunbateko arratsaldeko 8etatik aurrera. Ikuskizuna udal kultura sailak antolatu du eta sarrerak 5 euro balio du. Sarrerak saileko bulegoetan eros daitezke biharko arratsaldeko 3ak bitartean, eta baita joaldia hasi baino lehenago sarreran, Lobiano Kultur Guneko sarreran.

Proiektu hau momentu honetan dauden musikari onenen arteko adiskidetasun eta mirespenean du bere oinarri eta jatorria. Serranoren armonikak eta Colinaren kontrabaxuak bakarka muga asko gurutzatu dituzte, hainbat alorretan bide berriak zabaltzen ere ibiliak direlarik; emanaldi honetan beraien esperientziak konpartituko dituzte beren instrumentuen bidez hitz eginez, emozio magikoen adierazpide gisa erabiliz. Biak eskarmentu eta ibilbide handiko musikariak dira; alegia, jazzetik flamenkora, latin, tango eta Hegoamerikako folkloretik igaroz eta batetik besterako jauzia egin baitute.

Orain, jatorrizko musika eta kalitatearekin, gure gustukoa izango den proposamen berritzailea dakartzate. Bikote famatu hau Guillermo McGill (bateria) eta Mariano Diaz (pianoa) musikariekin batera dator. Laukoteak emanaldi borobila eskainiko digu. Orijinaltasuna eta musika onarekiko gustua ziurtatuta daude, talde honekin. Gozatu dezagun!