Herriko ostalaritza establezimenduetan gastatzeko txekea zozketatuko du EMEk

Ermuko Merkatari eta Ostalarien elkarteak (EMEk) herrian erosketak egitea eta kontsumitzea sarituko du beste behin. Duela egun batzuetatik elkarteko ostalariek boletoak banatzen ari dira bezeroen artean, eta uztailaren 15ean 150 €ko txekea zozketatuko dute. Saria elkarteko kide eta ostalaritzako adarrekoak diren establezimenduetan erabili ahal izango da, edari edo jakien truke. Eusko Jaurlaritzak kanpaina hau babestu eta diruz lagun du. Zalantzarik gabe, aukera ona saria eskuratu eta herriko Santixau jaietako egunen batean gastatzeko. Zorte on, guztioi!