‘Izarra’ eraikinaren egitura ‘gailurrera’ iritsi da

Bulego eta enpresa-hazitegirako Izarra eraikinaren egitura bere gailurrera iritsi da. Mendizaleentzat erabiltzen den esamoldeari jarraiki, esan dezakegu egitura bere ‘gailurra’ jo duela. Hormigoizko egitura hori 53 metrotara altxatzen da, zorutik kontatzen hasita. Eraikinak behe solairua, beste hamaika solairu eta igogailua bezalako instalazioak jartzeko beste bat du. Obra gauzatzen dihardu ‘Antzibar’ eraikuntzako enpresa gipuzkoarrak. Egitura altxatu ondoren enpresa une honetan atariaren burdinazko egiturari ekin dio.

Egitura hau kudeatzeaz ‘Promosa’ sozietate publikoa arduratzen da eta horretan 18 milioi euro -gehi BEZ- inbertituko ditu. Eraikinaren egitura eta teilatua amaitu ondoren, fatxada egiteko lanei ekingo zaie. Kanpoaldeko fatxada hori aireztatua izango da erakin inteligente honetan. Fatxada egiteko lanak, gehi igeltserotzako eta ofizioetako beste hainbat datorren astean esleituko dira, lehiaketa ireki bidez. Aipatu lehiaketa horretara beren proposamena aurkezten duen enpresetariko bati esleitu zaizkio. Enkanteak aurreikusi duen aurrekontua 2.900.970,50 eurokoa da, BEZ barne. Nolanahi ere, lanaren zenbateko hori hobegarria izan daiteke, merkeago eskainiz. Fatxada eta gainerako lanak egiteko hamar hilabeteko epea ezarri da, zuinketa-akta sinatu eta biharamunetik kontatzen hasita.