Kolonbiako egoera ekonomiko, politiko eta soziala hizpide

Munduko Paisaiak kanpainaren barne, gaur Kolonbiako egoera ekonomiko, politiko eta soziala aztergai izango da udal liburutegiak antolatutako hitzaldian. Ekitaldia Kobiano Kultur Gunean egingo da arratsaldeko sei eta erdietatik aurrera. Hitzaldi horretan ASOCOLVASeko (Euskadin bizi diren Kolonbiarrek osatzen duten elkarteko) Alberto Galindok eta Libia Solorzanok hitz egingo dute herrialdearen ibilbide historikoa eta ezaugarriak azaltzeko eta emakumearen egoeraz hausnartzeko.

Alberto Galindo ASCOLVAS elkarteko presidentea da eta Kolonbiako historiari errepaso txikia egingo eta baita ere politikaz eta garapen sozioekonomikoaz arituko. Libia Solorzano psikolpedagokian lizentziatua daAntioquia Unibertsitatean, (Medellin). Familia aholkulari eta gizon-emakumeen arteko biolentzian aditua da. Libiak emakumeek Kolonbian bizi duten egoerari buruz hitz egingo du.

Hitzaldiaren xedea dibulgazioa da, horregatik doakoa da eta jende orori zabalik dago. Jarduera Munduko Paisaiak izeneko kanpainaren barne dago, zeinaren bidez kulturen arteko hurbilketa eta jatorri ezberdinetako herritarren elkar ezagutzea sustatu nahi den.