Zine-klubak ‘Cayuco’ tituluko dokumentala proiektatuko

Mudo-Drogot Zinematografo elkarteak ‘Cayuco’ tituluko dokumentala proiektatuko du gaur zine-klubaren saioan. Emanaldia inoren kargura ez dauden Adin Txikiko Etorkinen egoera ezagutzeko kanpainaren barne dago. Aipatu kanpaina hori herrian garapenaren alde lanean diharduten Gobernuz Kanpoko Erakundeek antolatu dute. Bi emanaldi emango dira asteroko legez, lehen arratsaldeko 19:00etan eta bigarrena 21:30etan, Lobiano Kulturgunean. Sarrera doakoa da.

Sinopsia

‘Cayuco’ dokumental zinematografikoa da. Horretan bizitza hobearen bila basamortua eta ozeanoa zeharkatzeko bidai arriskutsu eta zalantzazkoa egitea erabakitzen duen subsahararrek pasatzen dituzten egoera latzak kontatzen duena, oso modu gordinean. Errealitate gogor eta gordinaren erretratu barnerakoi bat da, Kanariar Irletatik eta legez kanpo Europara sartu nahi duten immigranteen istorioa kontatzen diguna.