'Zeitgeist, the movie', dokumentala proiektatuko da zine-klubean

Mudo-Drogot Zinematografoak aurrera jarraituko du bihar abenduko emanaldiekin. Dokumentalei dedikaturiko zikloaren barne, bihar ''Zeitgeist, the movie'' proiektatuko da. Lana Peter Joseph zuzendariarena da, eta 118 minutu irauten du. Osteguneroko legez, emanaldi bikoitza egingo da, lehena arratsaldeko 7etan eta bigarrena, gaueko bederatzi eta erdietan. Dokumentalak oso kritika onak jasan ditu. Horretan, kristautasuna, irailaren 11 eta Erretserba Federal Amerikarra erlazionatzen dira. Lana internet bidez soilik banatu izan da eta horregatik ez da zineetara iritsi. Nolanahi ere, hainbat herrialdetan DVD formatuan eskuragai dago. Internautek beren babesa eman diote. Sarrera, librea da.