Antzerki emanaldiak: gaur ‘Hámster’ eta bihar, ‘Kartoibiraka’

‘Juanjotero’ Produkzioak ‘Hámster’ tituluko antzezlana dakar gaur Lobiano Kultugunera, gaueko 22:15etatik aurrera. Emanaldia udal Kultura Sailak antolatu du. Sarrerak 5 euro balio du, eta ikuskizuna hasi baino lehen bertan eros daiteke. Obra Santiago Cortegosok idatzi du, hori Fernando Sotok zuzentzen duelarik. Antzezleak, Marian Bañobre eta Juanjo Otero dira.

Sinopsia

Gizakia kaiola baten barruan bizi den animalia dela metafora oinarritzat hartuz, bi pertsonaik, bi hamster (arra eta emea), gizaki horren gai unibertsalei buruz hitz egiten digute, gizakion izaerari buruz hitz eginez. Edo, hobe esanda, gizakion izaerari buruz gauzak iradokitzen dizkigute.

Bihar haurrentzako antzerki emanaldia, Markeliñerekin

Bestalde, biharko egunean ere antzerki emanaldia izango da. Haurrentzako, emanaldia euskaraz, ‘Kartoibiraka’ tituluduna. Emanaldia adin guztietako ikusleentzat da aproposa. Lobianon, arratsaldeko 5etatik aurrera. Sarrerak 3 euro balio du.

Sinopsia

Biltegi batean gaude. Bertan ari diren langileek kaxa horiek antolatzen eta kamioira eramaten dituzte. Baina benetan dibertigarria dena jolastea, desordenatzea da, kaxa barruan bilatzea, lekutik mugitu gabe bidaiak amestuz.