Gaur Minbiziaren kontrako nazioarteko eguna da eta AECC elkarteari laguntzeko erabiliko da larunbateko loteria

Minbiziaren Kontrako Espainiako Elkartearen Bizkaiko Batzordeak (AECCk) gaixotasun horren kontrako Nazioarteko Eguna ospatzen du gaur. Edizio honetako leloa ‘Minbiziari Ez’ da eta utero-lepoko tumoreak prebenitzeko garrantzia azpimarratu eta horren sentiberatasunean eragin nahi du. Osakidetzako datuen arabera, gaixotasun horren Euskadiko emakumeen %2ari eragiten dio.

Bestalde, Estatuko Loteria eta Apustuen Erakundeak (ONLAEk) urtero loteria zozketa bat AECC elkarteari laguntzeko erabiltzen du, bildutako diruaren zati bat horri emanez, minbiziaren kontrako ikerketa erabili dezan. Zozketa berezi hori datorren larunbatean egingo da –otsailaren 6an- eta partizipazioak elkartearen logotipoa daramatzate. AECC elkarteak beren kideek saltzen duen loteriaren %20 jasotzen du ONLAE erakundeagandik, laguntza gisa.

Horregatik hain zuzen aste honetan zehar, Ermuan dugun AECC taldeko kideek herriko plazan eta Zubiaurren izan dira loteria saltzen eta eskaintzen herritarroi, gure elkartasuna eskatuz. Kanpaina honekin bat egin duten denda eta tabernek beren ate eta leihoetan kartela jarrita dute.