Sukaldaritza praktikoaren tailerra egingo gazte eta nerabeek

Udaleko Gizarte Ongizate Zerbitzuek –sozial eta hezkuntza eremutik- hasiera emango diote aste honetan gazte eta nerabeentzat zuzendutako sukaldaritza praktikoko tailerrari. Tailer hori Gaztela eta Leoneko Zentro Kulturalean egingo da.Tailer horren helburu nagusia gazteek trebetasun pertsonal eta sozialak eskura dezatela da, eguneroko bizitzan autonomoak izan daitezen inoren beharrik izan gabe. Hori horrela, sukaldean ere autonomoak izan daitezela nahi da, egokiro eta modu orekatuan elikatzeko janari errazak prestatzen ikasiaz. Tailerrak bost saio izango ditu eta horien xede parte hartzaileei tresnak ematea izango da, adin horretako pertsona gazteek egunez egun topa ditzaketen gorabeherei modu aproposean aurre egiten jakin dezaten.

Tailerraren eta parte har dezaketenen ezaugarriak ikusita, horretan izena emateko esan zaie Ermua-Mallabia Lanbide Hastapenetarako Ikastegian ikasle direnei. Laburbilduz, tailerrak bost saio praktiko izango ditu menu ezberdin eta errazak prestatzen ikasteko, eta baita ere sukaldean beharrezko diren hainbat ohitura lantzeko, gazteek eginkizun autonomoak izan daitezen. Tailerrari amaiera emateko, hausnarketa egingo da ikusitako guztiaren inguruan.