Bi enplegu-tailer berri gauzatzeko diru-laguntza eskariak egin zaizkio SPEE-INEMi

Udalbatzarrak bi enplegu-tailer gauzatzeko xedez beste horrenbeste diru-laguntza eskari SPEE-INEM erakundearen aurrean aurkeztea onartu zuen azken Osoko bilkuran. Enplegu institutuari diru-laguntza gisa eskatuko zaion kopurua 674.000 euro dira. Udalak espezialitate ezberdinetako tailer horiek aurrera ateratze aldera beste 47.400 euro gain hartuko ditu. Enplegu-tailer horien helburua langebian dauden pertsonak trebatzea da, lan merkatura sartzeko aukera gehiago izan dezaten. SPEE-INEMek poriektu eta eskabideak aztertu eta ekimen guztiekin edo horien zati batekin bat egiten duen ala ez erabaki beharko du, eta kasu horretan, diruz-laguntzeko kopuruaren erabakia hartu eta ezagutaraziko dio gure udalari. Eskariak egiteko erabakia udalean ordezturik dauden talde guztien erabateko adostasunarekin eta aho batez onartu zen. PSE-EE-PSOE, PP, EAJ-PNV eta EB-B alde agertu ziren.

Bi proposamenak enplegu-tailer moduan planteatu dira. Proposamen horietan aurreikusitako espezialitateak ondoko hauek izan dira: “Makineria Birgaitzea-CALSA Proiektua”; eta “Laguntza behar duten pertsonak asistitzeko laguntzaileak-ARTATZEN Proiektua”. Tokiko Garapen alorreko zinegotzi den Jose Luis Araujok proiektuen ezaugarriak bilkuran laburbildu eta azaldu zituen. Nolanahi ere, politikariak azpimarratu zuenez “inori gaizki ulertzerik ez sortze aldera, proposamen horiek gauzatu ahal izateko, baldintza izango da aldez aurretik onartu eta diru-laguntza jasko dugula ziurtatzea”. Ordezkariaren esanetan, proiektua prestatzea eta eskabideak aurkeztea bete beharreko bidea da horiek gauzatu ahal izateko laguntza eta babesik dugun jakiteko. Horiek horrela, zuhurtziak erantzun ofiziala jaso artean itxaron egin beharko dugula gomendatzen du.

Aukeztutako proiektu eta ekimenen ezaugarriak ondorengo taulan eskaintzen ditugu.