Zorionak amama!

Graziana Resano Goñi bizilagun ermuarrak ehun urte beti ditu gaurko egunean. Egun berezi eta handia dela eta familia eta lagunekin ospatu izan du herrian adinekoentzat dugun Abeletxe Erresidentzian dagoen Eguneko Egoitzan. Eguna ospatzeko arrazoirik ez zaizkio falta ez, fisikoki oso guapa dago eta osasuna ere lagun baitu, adina kontutan harturik. Ospakizun horretan Bizkaiko Foru Aldundiak,Udalak eta Nagusilan elkarteak ere bat egin dute familiarekin, eta erakundeon hainbat ordezkari bertan izan da opari batzuk eraman eta banatzeko. Aldunditik – harreman instituzionalen sailetik- Egoitz Iturriotz Agirre eta udalbatzatik Jose Luis Araujo Batzar Nagusietako kide eta zinegotzia izan dira. Grazianari lore-sorta, opari hainbat, gozoki eta jakiak eraman dizkiote. Bertaratutako guztiekin konpartitu dituztenak. Familiakoek, beren maitasunaz gain, zenbait opari ere eman dizkiote etxeko amamari. Grazianak ehun urteko borobila daraman soinean gaurdanik.

Graziana Resano Goñi gaurkoa bezalako egun batean jaio zen Zirauki herrian (Nafarroan). Jaioterria utzi eta 1938. urtean Ermura etorri zen familiarekin. Bost seme-alaben ama da, hamaika iloba ditu eta baita beste 12 biloba ere. Gaur eguerdian aukera izan duten familiako kideak Erresidentzian dagoen Eguneko Zentroan izan dira, amamari egun zoriontsu bat opa eta musu bat emateko, nahiz eta asteburuan etxean eta lasaiago bapo ospatzen jarraituko duten.