‘Galtzagorriak’, euskarazko Txotxongilo ikuskizuna haurrentzat

Gipuzkoako Txotxongillo taldeak haurrentzako antzerki emanaldia ekarriko du bihar Lobiano Kultur Gunera, arratsaldeko 5etatik aurrera. Taldeak ‘Galtzagorriak’ titulua duen txotxongiloen muntaia dakar. Ekimena udal kultura sailak antolatu du eta antzerki programazioaren barne dago. Sarrerak 3 euro balio du. Antzezlan hau 45 minutu irauten du eta aproposa da 3 urtetik 8 bitarterako haur eta gaztetxoentzat eta, baita ere familian datozen ikusleentzat.

Pertsonaia txiki hauek, orpoz orpo eta zoroen pare betetzen dituzte beren nagusiek esaten dietena. Hauek dira, Txotxongillo Taldeak eszenaratzen duen ipuin tradizional honen protagonistak.

Mahaiko txotxongiloak eta argi beltza erabilita eta ondo kontatutako ipuin batek duen indarra azpimarratuz, ikusleek Peruk lan egin nahi ez izateagatik sortzen diren arazoekin barre egitea lortuko dute. Istorioa baserri-giroan garatzen da eta Euskal Herriko folklorean oinarritutako hainbat elementu erabili eta horietaz baliatzen da.