Eibarko Artisten Elkarteak bere lanak ikusgai jarri ditu Lobianon

Lobianok astearekin bat hasiera eman dio eskultura, argazki eta pintura lanak uztartzen duen erakusketari. Erakusketa horretan Artista Eibartarren Elkarteko koadroak, argazkiak eta eskulturak ikus ditzakegu. Erakusketa Lobiano Kultur Gunearen beheko solairuaren bi aretoetan jarrita dago. Bertan , besteak beste, Jon Idigoras, Esteban Oroz, edo J.A,. Montejo pintoreen koadroak ikus ditzakegu eta, baita ere, Mateo Gilabert eibartarraren argazkiak. Obrak Lobianoko hormetan zintzilik izango dira martxoaren 6ra bitartean. Erakusketa Mugartea elkarteak antolatu du.

Erakusketa zabalik dago ondoko egun eta orduetan: lanegunetan arratsaldeko 6etatik 8etara eta larunbat, igande eta jaiegunetan eguerdiko 12etatik ordu 2etara bitartean, baita ere. Sarrera doan da.