‘Atzo, gaur, bihar’, T Amalia Martinez ermuarraren olerti liburu berria

Astelehenean, martxoaren 21ean, Olerkiaren Nazioarteko eguna ospatzen da. Horren harira udal liburutegiak herriko olerkari batek argitaraturiko azken liburua aurkezteko ekitaldia eginen du. Teresa Amalia Martínez ermuarrak ‘Atzo, gaur, bihar’ tituluko olerti liburua aurkeztuko du. Alea ‘Beta’ argitaletxeak kaleratu du eta Lobianon jendaurrean aurkeztuko du, arratsaldeko 5etan.

T. Amalia aurkezpenean egongo da, olerkari eta idazle lanetan eginiko ibilbidea eta azken liburuaren edukiez hitz egingo digu. Ekitaldian autoreak aleak sinatuko ditu nahi duen guztientzat, eta baita horiek dedikatuko. Bertan udal liburutegiko eta Emakumearen topaguneko lankideek izango dira, herriko autoreak babesten dituztela agerian jartzeko. Ekitaldia musikaz girotuko da eta hori Alboka Musika Eskolako ikasleek jarriko dute.

Ekitaldirako gonbiteak liburutegian edo emakumearen Topagunean jaso daitezke. Nolanahi ere, sarrera libre eta doakoa izango da.