AECC elkarteak urteroko diru-bilketa egingo du igandean

Minbiziari aurre egiteko Espainiako Elkartearen (AECC delakoaren) Ermuko taldeak diru-eske aterako da datorren igandean, maiatzaren 8an. Astean zehar boluntarioek denda, taberna, enpresa eta elkarteengana ate joka joango dira beren elkartasuna eskatzera eta horien emaria biltzera. Igandean kalean izango dira dirua eskatzen goizeko 11etan hasi eta arratsaldeko ordu 2ak artean, itsulapiko zuriak eskuan hartuta. Boluntarioak dirua biltzen saiatuko dira, elkarteak doan eskaintzen dituen zerbitzuak bere horretan mantentzeko xedez.

Egunotan bizkaitar asko dirua eskatzen eta biltzen ibiliko dira minbiziari aurre egiten jarraitzeko, AECCk urtero egiten duen legez. Aurtengo edizioko leloa ondokoa da: Minbiziaren kontra bat eginik, zure ekarpenak garrantzitsua da. Lagundu! Bildutako dirua minbiziak jotako gaixo eta horien familietako kideak psikologikoki atenditzeko eta gaixotasuna sendatzeko ikerketa medikuan aurrera egiten jarraitzeko erabiliko da.