LGTB izan eta harro egoearen eguna 28an dela-eta, erakusketa eta gida prestatu dira

Ekainean ospatuko dugu mundu zabalean gay, lesbiana, transexuala edo bisexuala izatearen harrotasuna aldarrikatzeko eguna. Egun honen jatorria New Yorken bilatu behar dugu, 1969ko ekainaren 28ko egunean pertsona talde batek mobilizazioak hasi baitzituen beren eskubide zibilak lortzeko. Gure herrialdean egun horretarako iragarrita daude hainbat mobilizazio, batez ere probintzi ezberdinetako hiriburuetan. Oraingo borroka eta aldarrikapenarekin lortu nahi den helburua, homofobiarekin bukatzea eta sexu aniztasuna errespetatzea dira.

Ermuan ere ospakizun horren inguruan ekitaldiak izango ditugu. Emakumearen Topagunean ‘Fe de vida’ izeneko erakusketa jarri da, zeina ekainaren 30era bitartean zintzilik geratuko da. Erakusketan hamar koadro daude eta horien barne lesbianak, homosexualak, transexualak edo bisexualak diren pertsonen argazkiak. Irudietan pertsona horien bizitzako garai ezberdinak bildu dira: gazteria, nerabezaroa, eta heldutasuneko uneak agertuz. Erakusketa zerbitzua zabalik dagoen orduetan bisitatu daiteke. Erakusketa hau LGTB Gehitu elkartearen eskutik ekarri da.

Ekainaren 28ko ospakizuna dela-eta, udal liburutegiak irakurketa gida bat ere prestatu du, sexu aniztasunaren gaia jorratzen duten web gune, filma eta liburuak bilduz bertan. Material horiek adin guztientzako eta interesa dutenentzako aproposak dira eta elkarlanean prestatu dute Emakumearen Topaguneak eta udal Liburutegiak. Gidaren aleak zerbitzu bi horietan har daitezke.