Gaur jaietako umeen eguna da

Gaur umeek izango dira nagusi herriko jaietan, egun osoko ekitaldiak haientzat izango baitira. Egunari hasiera emango zaio goizeko hamar eta erdietan, buruhandien irteerarekin. Hamaiketan umeentzako parkea irekiko plazan eta eskulanak egiteko tailerrak antolatuko. Elementu puzgarriez osaturiko parkea goizean eta arratsaldean erabili ahal izango da. Arratsaldeko bostetan txokolate-jana izango da eta, bi ordu beranduago, Eidabe taldeak "Kanpanoule 2" musika-ikuskizuna emango du plazan. Umeen eguna Chacovachi Argentinako aktorearen ''¡Cuidado!, un payaso malo puede arruinar tu vida'' ikuskizunarekin bukatuko da. Ikuskizuna gaueko hamar eta erdietan hasiko da Valdespina Markesaren parkean.