Aste Santuko egunetan ordutegi bereziak izango udal zerbitzuetan

Aste Santuak atseden hartzeko jai egunak ekarriko dizkigunez gero, lanean etena ere badakarte eta horrek bere isla eta eragina izango duelarik udal zerbitzuetan. Udal Kirol Erakundeak (UKEk) iragarri duenez kiroldegia zabalik egongo da ordutegi murritzagoan. Xehetasun guztiak beraien webgunean.

Udal liburutegiaren ordutegi berezia

Udal liburutegia zabalik egongo da hastear gauden Aste Santuko jai egunetan zehar. Dena den, bere ordutegia nolabait murritzagoa izango da, asteburuetan irekitzen duen modu berberean. Horrela, ostegunetik hasi eta datorren astelehenera bitartean, zerbitzua zabalik izango da goizeko eta arratsaldeko ordu batzuetan. Hau da, goizez 11etatik 14:00ra eta arratsaldez 17:00etatik 20:00etara, hain zuzen ere. Apirilaren 2tik aurrera, liburutegia bere ohiko ordutegira bueltatuko da, zabalik egonez etenik gabe goizeko 9,30etatik iluntzeko 8 eta erdietara bitartean.

Udaletxeko bulegoak, Abiapuntuk, Lobianok eta Emakumearen Topaguneak bost egunak itxiko dituzte

Bestalde, udaletxeko bulegoak –Diru-bilketa, Alor Teknikoa eta Abiapuntu barne-, Lobiano eta Emakumearen Topagunea itxita egongo dira martxoaren 28tik apirilaren 1era bitartean, biak barne. Apirilaren 2ko martitzenetik aurrera, bere ohiko ordutegietara bueltatuko dira. Udalaren kasuan, goizeko 8etatik arratsaldeko 3etara bitartean, eta Emakumearen Topagunea, goizez 9:30 tik 13:30ra eta arratsaldez, 16:30etatik 20:00etara bitartean.

Udaltzaingoan tokatzen zaionari ez ezik ez da jairik egongo eta txandaka normaltasunez lan egingo dute, segurtasuna bermatzeko.