'Aldameneko Familia'rekin otordua partekatzeko ekimena

Ermuko Nazioarteko Elkartasun eta Lankidetza Kontseiluak “SOS Arrazakeria” elkarteak bultzatzen duen “Aldameneko Familia” izeneko ekimenarekin bat egin eta gurera ekarriko du. Proposamenak gure herriko bizilagunen artean -bai etorkin eta bai bertokoen artean- topaketak prestatu eta horiek gauzatzea du helburua parte hartzaileak ezagutu daitezen. Horrela, harreman zuzenaren bidez, aurreiritziak gainditu, eta bide batez, gure herrian jatorri anitzeko pertsonak elkarrekin bizitzeak eskaintzen dituen aberastasun pertsonal zein sozialak aprobetxatu nahi dira.

Ekimen hau Txekian hasi zen duela zenbait urte sortu zen, eta geroztik zabaldu egin da beste herrialde batzuetara. Iaz SOS Arrazakeriak Gipuzkoa lurraldera ekarri eta abian jarri zuen. Jendearen harrera ona ikusirik, arrakastatsua izan baitzen, aurten ere berrantolatu da, Bizkaira ere hedatuz eta zabalduz.

Parte hartzera animatzen diren pertsonak izena eman dezakete www.mugak.eu webgunean edo deitu 943 179161 eta 943 176585 telefonora.

Informazio gehiago lotura bidez erantsita uzten dizuegun artxiboan.

• Ekimenaren nondik norakoak azaltzen dituen agiria