Ganso&Cía Konpainiak haurrentzako 'Babia' antzezpenarekin dator Antzokira

‘Ganso&Cía’ konpainiak haurrentzako antzerki emanaldia eskainiko du bihar larunbata arratsaldeko 5etatik aurrera Ermua Antzokian. Taldeak ‘Babia’ tituluko muntaia dakar. Ekimena udal kultura sailak antolatu du eta hiruhileko honetako programazioaren barne kokatzen da. Lana Iñaki Iriarte, Gorka Ganso eta Txefo Rodríguezena da. Iriarte bera zuzendaria da. Gorka Ganso eta Txefo Rodríguez dira aktoreak. Emanaldiak hirurogei minutu iraungo du. Eta sarrerak 4 euro balio du. Antzezlan hau aproposa da ikusle guztientzat -6 urtetik aurrerako haur eta gaztetxoentzat- eta, baita ere familian datozen ikusleentzat.

Sinopsia

Haiek Babian bizi dira, txundituta, beraien baitan murgilduta, benetako ezezagunak bailiran. Egun bat, bestea eta hurrengoa, guztiak berdinak dira, kaxaz beteriko biltegi moduko horretan. Egun batean telefonoak jotzeari uzten dio eta elkarri begiratzera behartuak daude.

Babia ikusle ororentzako komedia poetiko bat da. Babiak, berba bakar bat ere esan gabe, eguneroko istorioa bat kontatzen digu, elkarkidetzaz, lana eta irudimenezko istorioa. Umorez eta gizatasunaz beteriko sortze-lana da.