2014ko Santixauetako kartela, Susana Ibáñez nafartarraren lana

Susana Ibánez Freira nafarrak Santixauetako kartel lehiaketaren irabazle izan da. Horrela erabaki zuen atzo kartel lehiaketako epaimahaiak, gaur ostegun arratsean herriko Jai Batzordeak egin duen bere azken bileran erabakiaren berri jasoko du. Ibañezen lana ordenagailuz egina dago. Diseinuari dagokionez, autoreak leloaren letren azpian ura botatzen duen esku eta kuboa ipini du, gazteen siluetak irudikatuz. Konposizioa oso koloretsua da, gorri ukitua nagusi izanik. Beheko aldean Ermuko jaiak irakur daiteke.

Lehiaketako txapeldunek sari gisa 600 euro eskudirutan jaso dute. Lehiaketara hogeita zazpi lan aurkeztu dira. Kartel horien artean Arte Ederretan adituak diren epaimahaikideek lehen aukeraketa bat egin dute. Ondoren, azken erabakia hartu dutelarik, nafarraren lana hautatuz. Kartela jai egitaraua iragartzeko erabiliko da eta programaren azala izango da.