Santixauak aurrera jarraituko joko gehiago eta gaueko emanaldiekin

Santixauetako programak aurrera egingo du. Arratsaldeko 7etan txarangen arteko joko gehiago izango ditugu, hain zuzen soka-tira eta pringea deritzanarekin. Gaueko hamar eta erdietan antzezpen ikuskizunaz gozatzeko aukera berria izanen dugu Olatz Pagaldairekin. Erdaldun berrien kluba izeneko ikuskizuna taularatuko Valdespinako Markesaren parkean, Euskal Birusak antolaturikoa da.

Bihar triathloi eta jatorrizko bekatua izeneko probak jokatuko dira

Bihar, asteazkenez, joko gehiago izango ditugu herriko plazan arratsaldeko 7etatik aurrera. Txarangen ordezkariek triathloi eta jatorrizko bekatua izeneko probak jokatuko baitituzte.

Gaueko 10,30ean, Bertso jaialdia ikusi eta entzun ahal izango dugu Valdespinako Markesaren parkean. Ekitaldia Deba-Beheko Bertso Eskolak antolatu du. Iragarrita dagoenez bertan izango dira, Nerea Ibarzabal, Malen Amenabar, Beñat Ugartetxea, Manu Goiogana, Josu Oiartzabal eta Eneko Lazkoz bertsolariak.

• Santixau jaien egitarau osoa PDF formatoan