2014ko Santixau jaietaz gozatzeko lehen asteburua

Ermuak jai nagusien aurreko asteburu bizi-bizia pasatzeko prest dago. Jai-egitaraua lepo dago, eskaintza zabala eta denon gusturako jarduerak baitakartza aukeran. Aurten bi asteburu aukeran izango ditugu herriko jaien barne murgildu eta gozatzeko. Koadrilen arteko lehiaketak bihar bukatuko dira play-backeko lehiaketarekin. Play-back lehiaketa oso errotuta dugu eta zale asko biltzen ditu plazan urtero. Eguneko jarduerarik garrantzitsuenetakoa da, pala txapelketako finala ahantzi gabe.

Larunbat eta igandean zehar hamarna jarduera eguneko izango ditugu gutxi gorabehera, goizetik hasi eta gauera artean. Horien artean azpimarragarri dira Seguridad Social taldea osatzen duen laukote valentziarrak larunbat gauean emango duen zuzeneko kontzertu indartsua. Eta baita ere, futbol-aretoko partidak, arku-tiraketa, Urko mendira igoera, ehiza txakurren erakusketa, txirrindularitza, mendikoa eta bidekoa, eta abar. Gauza ugari eta denon zaletasunak asetzeko beste. Jarduera eta ordutegiak kontsultatzeko, azpiko informazio gehiagoko lasterbideari lotura egin diogu, horretan programa ofiziala eskainiz.

• Santixau jaien egitarau osoa PDF formatoan.