Gorakada taldeak 25 urteko ibilbidean erabilitako txotxongilo eta materialak ekarri ditu Lobianora

Gorakada Antzerki taldeak azken hogeita bost urteetan egin duen ibilbidean zehar bere muntaietan erabili dituen txotxongilo eta material hainbat ikusgai ditu egunotan Lobiano Kulturgunean. Erakusketa egunero zabalik dugu arratsaldeko 6etatik 8etara bitartean. Sarrera doan da. Erakusketa datorren martxoaren 4ko asteazkenera bitartean eta hileko kultur programazioaren baitan txeratzen da.

Erakusketa honek Gorakada antzerki-konpainiaren 25 urteko ibilbidea batzen du. Aro emankor honetan, eskularru-txotxongiloak eta aktoreak abiapuntutzat hartuta, hainbat teknika, estilo eta eszenaratze garatu ditu. Era berean, bisitariori abentura, magia eta ilusioz betetako mundu liluragarria erakutsi nahi diegu, bere ahalegin eta lana haurrei eta familiei zuzendu dien konpainia honen bilakaeraren isla da.

Horrenbestez, bere antzezlanik esanguratsuenetako txotxongilo eta eszenografiak aurkeztu nahi dizkizugute: Titirikontu, Gondola Misteriotsua, Jim Altxor Uhartean, Robin eta Hood, Irudimendeko Hiria, Cyrano, Ogro Txikia, eta abar. Urteotan, 1.900 emanaldi baino gehiago egin dituzte eta 900.000 ikusle inguruk parte hartu dute nazioko eta nazioarteko programazio eta jaialdi ezberdinetan.

• Erakusketa iragartzeko kaleratu den kartela