Jaietako lehenengo asteburua, Santixauak 2015eko aurrerapena

Jai nagusien aurreko asteburu bizi-bizia pasatzeko prest gaude Ermuan. Jai-egitaraua lepo dago, eskaintza zabala eta denon gusturako jarduerak baitakartza aukeran. Aurten bi asteburu aukeran izango ditugu herriko jaien barne murgildu eta gozatzeko. Koadrilen arteko lehiaketak gaur bukatuko dira play-backeko lehiaketarekin. Play-back lehiaketa oso errotuta dugu eta zale asko biltzen ditu plazan urtero. Eguneko jarduerarik garrantzitsuenetakoa da, pala txapelketako finala ahantzi gabe. Bi partida ikusteko aukera izango dugu. Lehena bigarren mailakoa izango da eta horretan nor baino nor arituko dira Urizar-Garitagoritia zalbibitarrek osaturiko bikotea eta Atxurra-Kasper ondarrutarrak. Bigarrenean, lehen mailakoan, juanjo-Arrarte bikote ermuarra jokatuko du, Txaparro-Garalde mutrikukoarekin.

Larunbat eta igandean zehar hainbat jarduera izango ditugu, goizetik hasi eta gauera artean. Horien artean azpimarragarri dira Arrebato kantariak larunbat gauean emango duen zuzeneko kontzertu indartsua. Eta baita ere, txakurren erakusketaldi-lehiaketa, futbol-aretoko partidak, arku-tiraketa, errol eta estrategia jokoak, xake-partidak, Urko mendira igoera, mendiko txirrindularitza, eta abar. Gauza ugari eta denon zaletasunak asetzeko beste. Jarduera eta ordutegiak kontsultatzeko, azpiko informazio gehiagoko lasterbideari lotura egin diogu, horretan programa ofiziala eskainiz.

• Santixau jaien egitarau osoa PDF formatoan.