2015eko play-back lehiaketaren irabazle izan da Begigabeak, ‘The Cats’ musikalaz

Begigabeak txarangak 2015eko play-back lehiaketa irabazi du, ‘The Cats’ musikalaren egokitzapen txukunari esker. Sailkapenaren bigarren postua Zaratatsuak izenekoentzat izan da, ‘Gernikako’ bonbardaketaz muntai ederra prestatu eta oso egoki aurkeztu eta gero. Hirugarren postua, berriz, Nagixak eskuratu zuen, oihaneko Tarzan gaia ardatz izanik. Ostiral gauean herriko plazan hamar ikuskizun ikusi genituen beste horrenbeste talderen eskutik, lan guztiek oso landutakoak izan zirelarik eta hainbat apartak. Hortaz, edizioko ezaugarria kalitate bikaina izan delarik. Laburbilduz, gau entretenigarri eta atsegina, hotz-beroari dagokionez epel egon baitzen. Kalean egoteko, oso aproposa.

Epaimahaikide izan dira Eibartik eta Elgoibartik etorritako hainbat neskato-mutiko gazte, zeintzuek erabakitzeko ez zuten lan erreza izan, maila borobila izan baitzen. Urteroko legez, gala Antzerki Taldeko kideek aurkeztu zuten, ikuskizun batetik bestera pasatzeko eta eszenatokia atontzeko unea betez eta berriari sarbidea emanez. Beti bezala, egoki. Azken sailkapen eta postuen hurrenkerari dagokionez, Txaranga Batzordeak duen Facebook orrira lasterbidea uzten dizuegu, horiek bere horretan ikusterik izan ditzazuen.