Odola emateko aukera izango da bihar goizean Ermuan

Ostegun honetan, abuztuak 20, hilero bezala odola emateko aukera izango dugu Ermuan. Goizeko 9:15ean hasi eta 14:00ak arte eman ahalko da odola, Patxi Plazan.

Transfusio eta Giza Ehunen Euskal Zentroak odola ematera gonbidatzen ditu herritarrak, “ahalegin txiki edo handiak, saria jasoko baitu gaixo baten aldetik”.

Herriko odol-emaileak jakinaren gainean daude, deialdi bat egiten den bakoitzean sms eta e-posta bidezko mezu batzuk jasotzen baitituzte esku telefono eta ordenagailuetan. Mezua Transfusio eta Giza Ehunen Euskal Zentroarena da, laguntzagatik eskerrak emanez.

Horren ostean, hurrengo odol emateak irailaren erdialdean egingo dira.