Ikastaroa KZGunean, eLiburutegia plataformatik liburu digitalak deskargatzen ikasteko

Ermuko Udal Liburutegiak, KZGunearekin lankidetzan, liburu digitalen mailegua erabiltzen ikasteko kurtsoa jarriko du martxan. Liburutegian  Euskadiko Irakurketa Publikoko Sarearen (EIPS) zerbitzua da eLiburutegia, eta liburu digitalen deskarga sistema legala da.

Ikastaroak 2 orduko iraupena du, eta KZGunean eskainiko da bi txandatan: lehenengoa, urriaren 2an, ostirala, arratsaldeko 16:00etatik 18:00etara; bigarrena, aldiz, urriaren 7an, ostirala, goizeko 9:00etatik 11:00etara.

Parte hartzeko baldintza bakarra Ermuko Udal Liburutegiko edo Euskadiko Irakurketa Publikoko Sareko bazkide  izatea da. Izen-ematea doakoa da, eta KZGunean egin behar da. Liburuak deskargatzeko gailuren bat eramatea komeni da (tableta, ordenagailu eramangarria, smartphonea, e-readera, etab.). Honelako gailurik ez daukatenek edo eraman nahi ez dutenek KZ Guneko ordenagailuren bat erabili ahal izango dute.

• KZGuneko ikastaroen egutegia