Juan Carlos Colina gogoan izango, herri omenaldian

Herriko antzerki taldeek eta lagunen batzordeak Juan Carlos Colina gogoan izan eta aintzat hartzeko ekitaldia antolatu dute datorren asterako –abenduaren 1eko martitzenerako-, zeina Antzokian gauzatuko den arratsaldeko zazpi eta erdietatik aurrera. Azken hamazortzi urteetan Ermuko Antzerki Taldeko zuzendaria, udalaren ohiko kolaboratzailea eta herriko kultura eragile garrantzitsua izan dena, Donostian hil zen astelehenean minbizia jota, 54 urte zituenean.

Colina zendu izanak atsekabea eragin du Ermua guztian, kultura alorrean hutsune galanta utziz eta, samintasunez oroitu izan zabalak eragin du herrian egingo zaion omenaldia. Colinak arrasto nabarmena utzi du gure herriko kulturgintzan antzerki irakasle, zuzendari, ekintzaile eta enpresaria izan baita. Propio bultzatu zituen nahiz herriko talde eta elkarteek sustatutakoetan izan zuen inplikazioak eta bere izaerak, merezitako ekitaldia prestatzea ahalbidetu du.

Udala herrian zabaldu den saminean murgilduta dago, Juan Carlos hain azkar zendu eta utzi izan duen hutsuneagatik. Bereziki udal kultura saileko lankideak, erabat atsekabeturik baitaude. Kulturako lankideak Juan Carlosekin bat eta harengandik oso hurbil lan egin izan dutenez, haren heriotza izugarrizko galeratzat hartu dute. Colinaren giza baloreak eta edozein proposamen aurrera ateratzeko zuen gaitasunak gure udalerriko kultura dinamizatu eta aberastu izan duelako bere lanarekin. Ermuak beso zabalik hartu zuen gurera etorri zitzaigunean, Colinak nekerik gabeko bere lan eta dedikaziorekin ordaindu digularik.

Juan Carlos Colinak egindako lana jasotzen dituzten hainbat albiste:

• 2009/10/16: Sarrarerik ez dago ‘El Pico de las Viudas’ antzezlanaren estreinaldirako gaur Lobianon
• 2009/11/13: Izarraitzek emanaldi bikoitza emango gaur Lobianon, ‘Entremeses cotidianos’ antzezlana estreinatzeko
• 2010/11/12: Sutegi Antzerkia taldearen muntaia,’Miguel Hernández: poesía para la libertad’
• 2011/12/09: Sutegi Antzerki taldeak -Diez Negritos- ikuskizuna dakar Antzokira
• 2012/05/03: Izarraitz taldeak ''Ocho mujeres'' tituluko antzezlana estreinatuko du bere hogeigarren urteurrenean
• 2012/05/31: Sutegi Antzerki taldeak ''Diez Negritos'' izeneko muntaiaz dator ostera Antzokira
• 2013/02/13: Izarraitz taldeak ''Ocho mujeres'' tituluko antzezlana berrestreinatuko Antzokian
• 2014/05/21: Ermuko ''Sutegi txikia'' taldeak, Buero Gazteentzako Antzerki lehiaketako lehen saria
• 2014/10/08: ‘La maté porque era tuya’ antzezlana Ermua Antzokian aurkeztuko du Sutegi Antzerki taldeak
• 2014/12/05: Izarraitzek ''Magnolias de acero'' titulukoa estreinatuko Antzokian
• 2014/05/28: Ermuko ''Sutegi Txikia'' taldeak Buero Gazteen Antzerki saria jaso du
• 2015/02/12: Izarraitzek ''Magnolias de acero'' obra berrantzeztuko du Ermua Antzokian
• 2015/05/22: Gaztela-mantxako kultur astearen barne ''La maté porque era tuya'' antzezpena sutegi taldearekin