Aitor Hernandezek hiru podium lortu ditu asteburuan

Aitor Hernandez txirrindularia hirutan igo da podiumera amaitu berri dugun asteburu eta zubian, beste horrenbeste proba korritu eta gero. Ermuarra bi Asteasu eta Beasaingo lasterketetan garaile izan da eta Igorren jokatutakoan bigarren, Felipe Orts valentziarraren atzetik helmugaratu ondoren.

Ez da emaitza makala, ez horixe, espezialitateko nahiz gainerako kirolari gutxik egin baitezakete horrelakorik. Atzokoan jokaturiko Beasaingo Ziklo krosean denboraldiko hamaikagarren garaipena lortu zuen. Domenkan aldiz, Igorren jokatutakoan, eliteen sailkapen orokorra ziurtatzea lortu zuen, Espainia Kopan puntuagarri zen azken aurreko proba baitzen.

Aste honetan Hernandez Valentzian izango da, igandean bertan jokatuko baita nazioarteko ziklo krosa. Espainiako Koparen azkena izango, titulua nori egokitzen zaion erabakitzeko.