‘Bularretik mintzora’ irakurketa kluben hirugarren saioa

Euskara Sailak eta Udal Liburutegiak antolatutako “Bularretik Mintzora” irakurketa klubetako hirugarren saioa izango da bihar, larunbata. Hiru eta zortzi urte bitarteko umeei eta euren gurasoei zuzendutako irakurketa klubak dira, eta orain dela 5 urte hasi ziren antolatzen Ermuan. Harrezkero, arrakasta handia izan dute.

Ekimena bi adin tartetan banatzen da: 3 eta 5 urte bitarteko umeentzako irakurketa kluba, batetik, eta 6 eta 8 urte bitartekoentzako kluba, bestetik. Hilean behin egiten da, larunbatetan, Lobiano Kultur Gunean. Goizeko 11:00etan 3 eta 5 urte bitartekoen kluba biltzen da, eta 12:15ean, 6 eta 8 urtekoena. Saio guztiak euskaraz egiten dira.

Saioetako dinamizatzailea Galtzagorri Elkarteko Lur Korta da. Saio bakoitzean “liburu izarrak” eta horiei buruzko proposamenak aurkezten dira talde txikietan. Gainera, haurrei eta euren gurasoei beren  “liburu maiteak” aurkezteko aukera ematen zaie.