Maileguan hartutako liburuentzat epea luzatu du liburutegiak

Aste honetatik aurrera, udal liburutegiko liburuen mailegu-epea 21 egunekoa da, orain arte baino (14 egun) astebete gehiago, alegia.

Bi dira aldaketa horren zergatiak. Batetik, eLiburutegia plataformatik deskargatu daitezkeen liburu digitalen mailegu-epea 21 egunekoa da; eta bestetik, Euskadiko Irakurketa Publikoko Sarera sartu berri diren Bilboko liburutegiek ere 21 egunez mailegatzen dituzte liburuak. Gainera, azken urteotan hainbat liburutegitako bazkidek epea luzatzeko eskaera egin dutela kontuan hartuz, liburutegi zerbitzuak erabaki du Euskadiko Irakurketa Publikoko Sarean mailegu-epea 21 egunera luzatzea.

Udal liburutegiko langileek aldaketa hau guztion onerako izatea espero dute.