Euskotrenek Bilboko Aste Nagusian gaueko tren zerbitzu bereziak eskainiko ditu

Euskotrenek Bilboko Aste Nagusian zehar (abuztuaren 20tik 28ra bitartean, biak barne) gaueko tren zerbitzu berezia eskainiko du. Zerbitzu horiek Txorierriko (Bilbo-Lezama), Urdaibai (Bilbo-Bermeo), Durangaldea eta Deba Barrena (Bilbo-Donostia) lineatako ohiko zerbitzua osatuko dute. Horrez gain, gauez tranbia zerbitzua ere eskainiko da.

Tren bereziek Aste Nagusiko gauetan zehar joan-etorrien beharrizanak bete nahi diren linea guztiak indartuko dituzte eta horrela hurbilen dauden herrietako lagunek jaiak lasaiago gozatzeko aukera izango dute.

Bilbo – Durango – Elgoibar –Deba ibilbidea indartzeko zerbitzu bat egokituko da, gau osoan zehar tren bereziak eskainiz, 19:30etik 7:30era.

• Euskotreneko ordutegi bereziak Bilboko Aste Nagusirako

Informazio gehiago behar duten erabiltzaileek, Euskotrenen 902 543 210 informazio telefono zenbakira dei dezakete. Horrez gain, geltokietan eta geralekuetan eta www.euskotren.eus webgunean ere jaso ahal izango dute informazioa eta twitter helbide honetan @euskotrenEJGV.