Mortadelo eta Filemon filmak itxiko du gaur Udako Zine zikloa

Gaur, Goya saridun den film batez disfrutatu ahal izango dugu. 2014ko Goya sarietan animaziozko pelikula onena izandakoa, Mortadelo y Filemon contra Jimmy el Cachondo, gaueko protagonista da. Javier Fressek zuzendutako abenturazko filma aurtengo Udako Zine zikloari amaiera emango dio.  Espainiako istorioetan famatu diren  Mortadelo eta Filemon, polizia-agenteak protagonistak dira.

Filma gaur gauean, abuztuak 29, 22:00etatik aurrera eskainiko da Orbe Kardinalaren plazan. Euria eginez gero, Santiago Apostoluaren arkupeetara aldatuko da emanaldia.

Sinopsia

Jimmy el Cachondo eta bere jarraitzaileak T.I.A agentziako dokumentu ultra sekretu bat lapurtu dute, eta beste espia agentzien aurrean irrigarri utzi dute agentzia. ‘Super’rak, ez du beste aukerarik izango, eta Mortadelo eta Filemonen esku utzi beharko du dokumenturen berreskurapena eta bilauari eskarmentua ematea. Horrekin batera, Filemonek, kartzelatik hies egin duen ‘Tronchamulas’ gaizkileari aurre egin beharko dio. Azkenean, biak elkartu eta Profesor Bacteriorekin batera lanean ipiniko dira gaizkileak aurkitzeko.

Jarraian ikusi dezakezue gauean gozatuko dugun pelikularen trailerra.