Ermua Hiria’ VII. eskubaloi txapelketaren sariak Elgoibarrera eta Errenteriara doaz

‘Ermua Hiria’ VII. eskubaloi txapelketaren sariak Elgoibarrera eta Errenteriara joan dira. Kadeteetan garaile Ereintza izan baita eta jubeniletan Elgoibarko ‘Tecnifuelle’ Sanlo taldea, hurrenez hurren. Errotabarriko E.K.Ekoek finaletara iritsi arren, bigarren izan dira maila bietan partidak galdu ostean. Norgehiagokak azken asteburuan jokatu dira, finalak M.A.Blanco kiroldegian eta hirugarren eta laugarren postuak Betiondoko pistan. Ariane Gayoso eta Nora Mateosek entrenatzen dituzten kadeteak finala galdu egin zuten, txirrinak jo zuenean markagailuak 18 eta 23 adierazten duelarik. Kadeteetan hirugarren lekua Elgoibarko Sanlorentzat izan da eta, aldiz, laugarrena, Atl. Basaurirentzat.

Ander Garcia eibartarrak entrenatzen dituen jubenilak egun eskasagoa izan zuten. Partida galtzeaz gain, amore eman behar izan baitzuten elgoibartarren nagusitasun eta indarra ikusita. Azkenean, markagailua 7 eta 28 izan zen. Galtzen jakitea, kirolaren ikasgai denez gero, hemen aukera. Jubeniletan hirugarren postua Ereintzarentzat izan zen eta laugarrena, ostera ere, Atl. Basaurirentzat. Markagailu eta bizitakoaren datuak @errotabarri Twitterreko kontuan dituzue.

Txapelketak amanera emanen dio aurre denboraldiari partaide izan ditugun ekipoek urriaren lehen asteburuan emango baitiote hasiera Euskal Liga ofizialari. Ekipo eta jokalari hauek aurrerago ere elkarrekin nor baino nor aritu beharko dute berriz, Ligako joan eta etorrikoetan. Asteburuan ezagutu eta elkar mendean hartzen saiatu dira. Guztiak irabazi nahi izan duten arren bakarrik ekipo bat nagusitu izan da. Hortaz, txapelketak bere funtsa bete du lehian hasi aurretik probatzeko, taktika eta estrategia lantzeko eta sasoian dauden edo ez ikusteko balio izan baitie.Eskubaloiaren jaia bizi izan dugu, larunbat nahiz igandean pabilioia bete izan delako. Zortzi partida egun erdian ikusteko aukera izan da.

Herriko alkate Carlos Totorikak, kirol alorreko zinegotzi J. R. Gombauk eta Toki-garapeneko J. C. Abascalek sariak banatu zituzten Errotabarriko Olatz Bouzo presidentearekin batera.