Ingurumen-iraunkortasuna eta enpresa, Toki-Garapeneko Asteko bigarren eguneko gakoak

Jardunaldiak streaming bidez zuzenean eskainiko dira Udalaren webgunean

Toki-Garapeneko Astearen XI. edizioak ingurumen-iraunkortasuna eta enpresa izango ditu hizpide bihar, asteartea. Gaur astelehena jarri dira abian jardunaldiak, herritarren parte-hartzea ardatz hartuta, eta bihar eraginkortasun energetikoa eta ekonomia urdina izango dira, besteak beste, gai nagusiak.

Jardunaldiak 11:00etan hasiko dira ekimenean parte hartu nahi duten pertsona guztien izen-ematearekin. Gogorarazten dizuegu izen-ematea doakoa dela eta webgune honen bitartez egin daitekeela. 11:30ean, Carlos Totorika alkateak programari hasiera emango dio Izarra Centreko auditorioan, eta jarraian, 12:00etatik aurrera, IK Ingenieria enpresaren eskutik “Enpresaren eraginkortasun energetikoa eta ingurumenaren gaineko eragina” izeneko hitzaldia entzuteko aukera izango da.

Egunaren lehen zatia 13:45ean amaituko da, eta 15:00etan berrekingo zaio jardunari Ekonomia Urdinaren kontzeptua ezagutzeko tailerrarekin. Innobidek eskainiko du lau orduko iraupena izango duen ikastaroa, eraikineko laugarren solairuan. Horrekin amaitujo da Toki-Garapeneko Asteko bigarren eguna.

Gogorarazi nahi dizuegu ekimen guztiak zuzenean streaming bidez eskaintzen ditugula Udalaren webgune honetan.

Jardunaldien inguruko informazio gehiago behar izanez gero, ikus ezazu programa.