Odola emateko aukera gaur osteguna Ermuan

Ermuko Odol Emaileen Elkarteak (Donaser) odola emateko saioa antolatu du gaur osteguna, azaroak 17. Transfusio eta Giza Ehunen Euskal Zentroak unitate mugikorra ekarri du Ermura, anbulatorio zaharraren aurrera, eta bi txanda izango ditugu aukeran.

Goizeko txanda 09:15ean hasi da, eta 14:00ak arte abian egongo da. Gainera, arratsaldez odola eman nahi duten pertsonek 16:30etik 21:00etara aukera izango dute elkarteko egoitzaren aurrean, Bizkaia Etorbidean, dagoen unitate mugikorrera gerturatzeko.

Herriko odol-emaileak jakinaren gainean daude jada, deialdi bakoitzeko sms eta e-posta bidezko mezuak jasotzen baitituzte eskuko telefonoetan eta ordenagailuan.

Abenduan, hilaren 15a, osteguna, izango da odola emateko eguna, goizez nahiz arratsaldez.