Ermuko Udalak Istanbulgo eta Kairoko atentatuak gaitzesten ditu

Istanbulen eta Kairon asteburuan izandako atentatu odoltsuen aurrean EUDELek, Euskadiko Udalen Elkarteak, erakutsitako gaitzespen irmoarekin bat egingo du Ermuko Udalak, eta indarkeria terroristaren basakeria erabat baztertzen du. Instituzioak dolumina eta elkartasuna helarazi nahi dizkie biktimen senideei, eta espero du zauritutako pertsona guztiak ahalik eta lasterren sendatzea.

Horrela, EUDELek luzatutako gonbidapenari jarraiki, Ermuko Udalak bost minutuko elkarretaratze isila antolatu du biharko, asteartea, abenduak 13, 12:00etan udaletxe aurrean, gaitzespen eta elkartasun gisa. Pertsona guztiak elkarretaratzearekin bat egitera gonbidatuta daude.