Etxeko txikienak, beste behin, arratsaldean kontu kontari

Ermuko udal liburutegiak 2017ko lehenengo “Arratsaldeak kontu kontari” ipuin kontaketa saioa antolatu du larunbat honetarako, urtarrilak 21.

Ipuin saioaren izenburua “Enaitz pirata ipuinen munduan” da, eta 3 eta 7 urte arteko umeei zuzenduta dago. Saioa euskara hutsean izango da, eta Onintze Goitiz izango da ipuin kontalaria.

Ekimena larunbatean 17:30ean hasiko da Lobiano Kulturgunean, eta sarrera doakoa izango da. Jardueraren martxa egokia bermatzeko, plazak mugatuak izango dira. Halaber, eta etenik ez eragiteko, puntualtasuna eskatzen da.