Gizarte Larrialdiko Laguntzak eskatzeko epea zabaldu da

Ermuko Udalak gaur zabaldu du aurtengo urterako Gizarte Larrialdiko Laguntzak (GLL) eskatzeko epea.

Laguntza horiek jasotzeko eskaerak Abiapuntun egingo dira zuzenean, Udalaren Gizarte Zerbitzuetan aurretiko hitzordurik eskatu gabe, bi kasu hauetako bat betetzen denean:

• Etxebizitza mantentzeko (argia, ura, gasa, komunitatea, zergak...) gastu kontzeptuan, aurreko urtean ere eskatu izan duten pertsonentzat.
• Alokatzeko eta hipotekak ordaintzeko laguntzak, aurreko urtean ere eskatu izan duten pertsonentzat.

Gainontzeko eskaera guztiak Gizarte Zerbitzuetan egin beharko dira, aurretiko hitzordua eskatuta.

Gizarte Larrialdiko Laguntzak eskatzeko epea gaur hasi da, martxoak 31, eta datorren maiatzaren 31n, asteazkena, amaituko da.

Edozein zalantza edo hitzordu eskaera egiteko lekuak eta ordutegiak honakoak dira:

• Abiapuntu
  • Ordutegia: astelehenetik ostiralera 08:00etatik 14:00etara
  • Helbidea: Konbentukoa, 3
  • Telefonoa:943 17 91 42
• Gizarte Zerbitzuak
  • Ordutegia: astelehenetik ostiralera 08:00etatik 15:00etara
  • Helbidea: Erdikokale, 21
  • Telefonoa: 943 17 91 61 / 943 17 91 62