Astelenetik aurrera lineatan aldaketa hainbat iragarri ditu Bizkaibusek

Errepidetik eta autobusez bidaiariak garraiatzeko Bizkaibus zerbitzuak ezagutzera eman duenez, urtarrilaren 15etik hasita Ermuan ibilbide-aldaketak egingo ditu, etorkizunean saihesbidea izango denaren zati bat zabaldu izanagatik. Astelehenetik aurrera eta A8 autobidearen Sallabenten dagoen oraingo ordainlekua itxiko denez gero, aldatu egingo ditu ordainleku horretatik pasatzen diren zerbitzuko lineen ibilbideak. Aldaketak hauek dira: Bilbao-Ermua eta Ondarroa lotzen dituen A3916 lineak –noranzko bietan- ez ditu geralekuak aldatuko, baina ibilbidea bai, izan ere, itzulingurua egin behar denez bidaiaren denbora luzeagoa izango baita.

Bestalde, Bilbon irten eta autobidez Ermua datorren eta Eibarreraino segitzen duen A3926 lineak –noranzko bietan- ibilbidea beste modu batean egingo du eta bidaiariak hartu edo lagatzeko geralekuen zentzua ere aldatuko. Hau da, goranzko bidekoak beheranzkoak izango dira eta, alderantziz.

Aldaketa hauek denboran zehar mantenduko dira, saihesbidearen gainerako zatia abian jarri eta zabaldu artean.

Jarraian, Bizkaibusek prestatu eta zabaldu dituen ohar informatiboak uzten dizkizuegu.

• Bizkaibusen oharrak, aldaketa eta gorebehen ingurukoak