Derrigorrez lekuz aldatzera beharturik dauden emakumeek bizi behar duten egoera aztergai

Emakumeen Topagunean hitzaldia izango da gaur arratsean, non Emakume errefuxiatuen egoera hizpide izango den. Ekimena ‘Martxoaren 8’ko egitarauaren barne dago eta arratsaldeko 6etan hasiko da. Sarrera doan da, libre nahi duen pertsona ororentzat. Hitzaldian derrigorrez lekuz aldatzera beharturik dauden emakumeek bizi behar duten egoera izango da mintzagaia, feminismoaren ikuspuntutik.

Hizlaria Montenegroko Staša Zajović izango da, feminista, aktibista eta 1991n Jugoslaviako gerraren hasieran Belgraden eratu zen Beltzezko Emakumeak (jatorriz ‘Women in Black’, delakoa) sortzaileetarikoa eta koordinadorea.

Ekitaldia Ermuko Emakumeen Asanbladak antolatu du.