Santixauetako esku pilota jaialdiaren erakargarri dira Ezkurdia-Zabaleta bikotea

Uztailaren 25a patroiaren egun handia da Ermuko jai egitarauan; Santiago Apostoluaren eguna, hain zuzen. Behar bezala ospatzeko, herriko Pilota Taldeak profesionalen arteko bi partida antolatu ditu. Aritzmendi Frontoira iritsiko diren pilotarien artean, binakako aurtengo bikote txapelduna -Ezkurdia eta Zabaleta- izango dugu, zeinak zaleen artean ikusmin gehien piztu duena.

Arratsaldeko bostetan hasiko da pilotaren festa, eta bigarren mailakoen arteko partidua jokatuko da lehenbizi. Elordi-Erostarbe eta Etxeberria-Tolosa bikoteak aurrez aurre izango dira, eta horien ostean hasiko da eguneko partidu nagusia: Elezkano II eta Rezusta, Ezkurdia eta Zabaletaren aurka.

Sarrerak egunean bertan eros daitezke Aritzmendi frontoian, arratsaldeko lauretatik aurrera.

Gizon eta emakume afizionatuak ikusteko aukera

Bestalde, Ermuko Pilota Taldeak afizionatuentzat partiduak antolatu ditu iganderako, uztailak 26. Arratsaldeko seietan hasiko dira Orbe Kardinala plazan, eta honako partiduak jokatuko dira:

4 t''erdikoa: jubenil mutilak

Emakume afizionatuen arteko partiduak

Binakako partidua: gizon afizionatuen artean