Hemen da ‘Ermuan Bagara’ argazki lehiaketa

Ermuan Bagara Ermuko Euskaltzaleen Sareak argazki lehiaketa antolatu du herritar guztientzat. Lehiaketara Ermuan Bagararen materiala ikusten den argazkiak aurkeztu beharko dira: kamisetak, poltsak, agendak, txapak, kartelak…

Berdin dio argazkia non ateratakoa den, helburua elkartearen arropa edo materiala modu irudimentsuan eta originalean erakustea da.

Parte hartzen duen pertsona bakoitzak argazki bakarra aurkeztu ahalko du; ez dira argazki gehiago onartuko. Argazkiak antolatzaileei helarazteko hiru bide daude:

• Ermuan Bagara Ermuko Euskaltzaleen Sarearen Facebook orrialdearen bitartez
• ermukoeuskaltzaleensarea@gmail.com helbide elektronikoaren bidez
• 649 75 51 87 telefono zenbakira Whatsapp mezua bidaliz

Edozein modutara bidalita ere, izen-abizenak jarri beharko dira. Irabazleak 100 euroko afaria eskuratuko du sari gisa.

Argazkiak aurkezteko epemuga irailaren 9a izango da, igandea.